- 108ની ટીમે રાત્રે 3 વાગ્યે વનકર્મીના ઘરમાં દીપડો ઘૂસતા જોયો અને પોલીસને જાણ કરી
Divyabhaskar.com
Dec 13, 2019, 05:22 PM ISTઘોડાસણમાં દીપડો વનવિભાગના ઘેરામાંથી છટકી ગયો
બગસરા પંથકમાં જે દિપડાએ પાંચ લોકોને મારી નાખ્યા, અનેક લોકો પર હુમલો કર્યો, પશુઓનું મારણ કર્યુ તે આદમખોર દીપડાને બુધવારે સાંજે વન વિભાગના શાર્પ શુટરોએ બે ગોળી ધરબી દઇ ઠાર કર્યા બાદ રાત્રે તેની લાશને પોસ્ટ મોર્ટમ માટે જસાધારના એનીમલ કેર સેન્ટરમાં ખસેડાઇ હતી. જ્યાં ગુરુવારે ત્રણ ડોક્ટરની પેનલથી તેનુ પોસ્ટ મોર્ટમ કરી અગ્નીદાહ અપાયો હતો. બગસરા, વિસાવદર, ધારીના સીમાડે દિપડાની સંખ્યા વધુ હોય વન વિભાગે દીપડાને પકડવા માટે ઓપરેશન યથાવત રખાયું છે. શાર્પ શુટરોની ટીમ જુદા જુદા સ્થળે ગોઠવાયેલી રહેવાના બદલે જ્યાં પણ દીપડાનું લોકેશન મળશે ત્યાં દોડી જશે. વિસાવદરના ઘોડાસણમાં ગત બુધવારે એક તુવેરના ખેતરમાં દીપડાના સગડ જોવા મળ્યા હતા. વનવિભાગે તેને પકડવા માટે ખેતર ફરતે ઘેરો નાંખ્યો હતો. જો કે, દીપડો રાત્રે જ વનવિભાગને હાથ તાળી આપી કર્મીઓની નજર સામેથી જ છટકી ગયો હતો.
ઉનામાં દીપડા અને દીપડીએ ડુક્કરનો શિકાર કર્યો
ઉનાના નગરખારા વિસ્તારોમાં દીપડા-દીપડીના આંટાફેરા વધી ગયા છે. રામનગર વિસ્તારના રહીશોમાં દહેશતનો માહોલ જોવા મળી રહ્યો છે. લોકોને સવારે દીપડો અને દીપડી જોવા મળ્યા હતા. દીપડા અને દીપડીએ ડુક્કરનો શિકાર કર્યો હતો.
(જયેશ ગોંધિયા, ઉના)
https://www.divyabhaskar.co.in/saurashtra/latest-news/junagadh/news/one-more-leopard-arrested-in-simasi-village-of-una-126280833.html
No comments:
Post a Comment